قالوا 17
فبراير نكبة علاش سميتـوه عيـــد
ما
شفناله افراح ولا حسينا بطعـــم تفرهيـد
كنا رايضين
لا باس علينا وراضيين لينا سيد
رابخـين في الخيـــرات ورزق بلادنــــا
العــديـد
والآماـن في بيوتنــا بحمايـــة رتـل الصنـــديد
شن جانـــا من فبــراير غيــر الوعــد والوعيـد
والقتـــل
والخطــف والنهــب والتهجير لبعيــد
وترحمــــوا علي ايامـــات عز الصقر الوحيـــد
إااااااايه
كان نسيتـــوا نفكركم بصقركم ونزيـــد
نعيد
كان واكل خيـــركم وضاربكم فلقـــة بالجريد
شربكم الملح وزلبحكم بمية في طوبــــو
حديد
خدي حقه بزايد مع ضريبة بندقـــة صديد
نهار زاهيتله يضحك عليكم بخطــــاب تهديد
ونهارات ياما يغضب يولع فيـــكم بعــود
وقيــد
وكان عالريضـــة راكم رايضين من التبغديـــد
خوف من تخربيشة تقرير يدفه يوك بالكيد
يخليك يابس في مربطك زي النسناس البليـد
سيف مسلط علي رقبتـكم متقايس عالوريــد
والآمان
متاعكــم خوف وخنــوع من التنفـيـــذ
وإااااااايه
نزيد ننعش ذاكرتكم علي ايام رعب وتشريــد
في ساحــات الجامعات لينــا مع الشنــق
مواعــيد
وفي عز رمضـان نفطــروا علي الـــدم
والتنكــيد
كان نسيت نوقضــك كانش كنت تمثـل بشهيــد
وتلتل فجثته الطاهرة وتتغنى بالفاتح المجــيد
وإلا كنت يوك ويهمك ينتسى تاريخك العتيــد
نكبتك ما جابتهاش فبراير هذه رباية العقيد
الخطف والنهب والسرقة علمهاــلكم هالعربيد
والتهجير اللي مدايرينــه لوبانة عادة ما
تبيـد
الصقــر الاول هجــج وبَّيِت ناس في التمرغيـــد
وخِلفَــه صنديد قاعد يقتل ويشرد في مواليــد
وما شعفتــوش من القديــم وتصفقــوا للجــديـد
اللي قالوا فبراير نكبة!!!
نقوللكم
فعلاً فبراير نكبة كبيرة علي العبيـــد
وعلي الحـــر دين لين تتحقـــق أحــلام
الشهيــــد
اللي دمه دفعــه ثمن لمستقبــل أولادكم السـعيـد
هنو ارواحكم وأاركحو وبطـلو النواح والتنـديــد
احترمو
اللّي فقدت الخـو والبو والـزوج والوليــد
باش سيادتكم تصدحوا بكامـل حريـة وترغيــد
انقدوا
الغلط وقبلهـا صلحوا أنفسكم في هالعــيد
اللي ما عينه يحتفل ما حد شدله مسواق في إيد
راك تقول 17 فبراير نكبة هالعيد لروح شهيد
طرابلس
15.02.2016
